आमदार प्राजक्त तनपुरे यांना राष्ट्रकुल संसदीय मंडळाचा पुरस्कार जाहीर
राहुरी ( प्रतिनिधी )
राष्ट्रकुल संसदीय मंडळ, महाराष्ट्र शाखेच्या वतीने २०२३-२४ सालासाठी विधिमंडळातील सर्वोत्कृष्ट भाषणासाठी देण्यात येणाऱ्या ‘उत्कृष्ट भाषण' पुरस्कारासाठी आमदार प्राजक्त प्रसाद तनपुरे यांची निवड करण्यात आली .
पुरस्कार जाहीर होताच आमदार तनपुरे यांनी सोशल मीडियावर व्यक्त होत ही बातमी आपल्यासोबत शेअर करीत असताना मला अतिशय आनंद होत आहे असे म्हटले आहे .
राष्ट्रकुल संसदीय मंडळ च्या वतीने 2018 19 पासून चे उत्कृष्ट संसद पटू आणि उत्कृष्ट भाषण पुरस्कारांच्या नावांची घोषणा केली आहे . त्यात राहुरीचे आमदार प्राजक्त तनपुरे यांना हा पुरस्कार जाहीर झाल्या ने राहुरी शहरासह तालुक्यात तसेच नगर पाथर्डी भागात त्यांच्या पक्षाच्या कार्यकर्ते , समर्थकांनी आनंद व्यक्त केला आहे .
यापूर्वी तनपुरे यांचे वडील ज्येष्ठ नेते माजी आमदार प्रसाद तनपुरे यांनाही राष्ट्रकुल संसदीय मंडळाचा पुरस्कार मिळाला आहे हे विशेष आहे .
सोशल मीडियावर व्यक्त होताना आमदार तनपुरे यांनी म्हटले की , राहुरी-नगर-पाथर्डी विधानसभा मतदारसंघातील नागरीकांनी माझ्यावर विश्वास दाखवून मला विधानसभेत निवडून पाठविले. तो विश्वास सार्थ ठरविण्यासाठी मी सदैव कार्यरत आहे.
विधिमंडळात जनहिताचे मुद्दे मांडताना शेतकरी, कष्टकरी, कामगार, युवक, विद्यार्थी तसेच सर्वसामान्य जनतेच्या प्रश्नांना वाचा फोडण्याचे काम केले आहे. राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष व आमचे प्रेरणास्थान आदरणीय खा. शरदचंद्रजी पवार साहेब, प्रदेशाध्यक्ष जयंतराव पाटील, खा. सुप्रियाताई सुळे यांचे आशीर्वाद व वेळोवेळी मिळणारे मार्गदर्शन तसेच माझ्या मतदारसंघातील जनता यांच्यामुळे हा पुरस्कार मिळाला आहे.
म्हणूनच हा बहुमान मी माझ्या मतदारसंघातील जनता, आई-वडील तसेच वडीलधाऱ्या नेतृत्वाला कृतज्ञतापूर्वक समर्पित करतो. जनहिताचे काम करण्यासाठी मिळालेली ही उर्जा आपल्या सर्वांच्या साथीने अक्षय्य राहील हा विश्वास आहे. असे सोशल मीडियावर तनपुरे यांनी पुरस्कार जाहीर झाल्याबद्दल मत मांडले आहे .
Post a Comment
0 Comments