विद्यार्थ्यांच्या विविध कलाप्रदर्शनाचा विद्यार्थ्यांसह पालकांनीही लुटला आनंद ; सावित्रीबाई फुले इंग्लिश मीडियम स्कूलचा उपक्रम

राहुरी ( प्रतिनिधी )

सावित्रीबाई फुले इंग्लिश मीडियम स्कूल महात्मा फुले कृषी विद्यापीठ राहुरी येथे कला प्रदर्शन आयोजित करण्यात आले होते. कला प्रदर्शनाचे उद्घाटन प्रसिद्ध चित्रकार व कलाशिक्षक श्री.संदेश विसपुते सर यांनी केले.

यावेळी शाळेच्या प्राचार्या सौ. योगिता आठरे मॅडम उपस्थित होत्या, तसेच सर्व विद्यार्थी व पालक यांनी या कलाप्रदर्शनाचा आनंद घेतला, या प्रदर्शनामध्ये विविध कलाकृती ठेवण्यात आल्या होत्या.

सदर उपक्रम विद्यार्थ्यांच्या कलागुणांना वाव देण्यासाठी प्राचार्या सौ.योगिता आठरे मॅडम यांच्या संकल्पनेतून कलाशिक्षक श्री. हरेश्वर साळवे सर व इतर सर्व शिक्षक व शिक्षकेतर कर्मचारी यांनी राबविला. कला प्रदर्शनामध्ये प्रामुख्याने स्मरण चित्र (मेमरी ड्रॉईंग),वस्तू चित्र (स्टील लाईफ), संकल्प चित्र (डिझाईन), भौमितिक आकार,दिया पेंटिंग, मार्बल पेंटिंग, स्प्रे पेंटिंग, मधुबनी पेंटिंग, वारली पेंटिंग, टी-शर्ट पेंटिंग, स्टोन आर्ट, ग्लास पेंटिंग, गोंड आर्ट, क्ले वर्क, क्राफ्ट वर्क, हँगिंग वर्क,राखी आर्ट

, लिपन आर्ट,टेराकोटा आर्ट, प्रिंट आर्ट (मुद्रा चित्र/ठसा चित्र),दोरा चित्र (गुंडाळी चित्र),पॉट पेंटिंग, स्प्रेड पेंटिंग (फुंकर चित्र), मुक्तहस्त चित्र (फ्रीहँड ड्रॉईंग), पोस्टर पेंटिंग, मंडला आर्ट, अक्षर लेखन,

असे अनेक प्रकार विद्यार्थ्यांनी मांडले होते. कला प्रदर्शनास विद्यार्थ्यांचा व पालकांचा उस्फुर्त प्रतिसाद लाभला. या प्रदर्शनाचा सावित्रीबाई फुले प्राथमिक विद्यालयातील विद्यार्थ्यांनी ही आनंद लुटला. सदर उपक्रमा बद्दल संस्थेचे सचिव डॉ.श्री महानंद माने साहेब, खजिनदार श्री. महेश घाडगे साहेब, तसेच सावित्रीबाई फुले माध्यमिक विद्यालयाचे प्राचार्य श्री.अरुण तुपविहीरे सर व सावित्रीबाई फुले प्राथमिक विद्यालयाचे मुख्याध्यापक श्री. बाळासाहेब खेत्री सर यांनी सर्व विद्यार्थ्यांचे कौतुक केले.