पालिकामतदानासाठी या 3 प्रभागात प्रत्येकी 4 मतदान केंद्रे : पहा आपले मतदान केंद्र

पालिका मतदानासाठी या तीन प्रभागात असतील प्रत्येकी चार मतदान केंद्रे : पहा आपले मतदान केंद्र

 राहुरी ( प्रतिनिधी )

राहुरी नगरपालिकेच्या दोन डिसेंबरला होणाऱ्या मतदान प्रक्रियेसाठी 38 मतदान केंद्रे असून तीन प्रभागात एकाच ठिकाणी चार मतदान केंद्रे असून निवडणूक शांततेत पार पाडण्यासाठी निवडणूक आयोगाचा निवडणूक विभाग अलर्ट मोडवर आल्याचे दिसून येत आहे .

 राहुरी नगरपालिकेच्या नगराध्यक्ष पदासाठी एक तर बारा प्रभागात 24 नगरसेवक पदासाठी दोन डिसेंबर रोजी मतदान प्रक्रिया पार पाडली जाणार आहे . यासाठी 12 प्रभागांमध्ये मतदार संख्येनुसार 38 मतदान केंद्रे असून प्रभाग क्रमांक 9 , 11 व 12 मध्ये प्रत्येकी चार मतदान केंद्रे असतील तर प्रभाग क्रमांक आठ मध्ये दोन मतदान केंद्र असतील .अन्य सर्व प्रभागात प्रत्येकी तीन मतदान केंद्र असतील .

राहुरी नगरपालिका हद्दीतील प्रभाग निहाय मतदान केंद्रे अशी -

प्रभाग क्रमांक एक - नूतन मराठी शाळा क्रमांक सात ( दोन केंद्रे ), क्रमांक आठ (एक केंद्र )

प्रभाग क्रमांक दोन - भागीरथीबाई तनपुरे कन्या विद्यालय (दोन केंद्रे ) जिम्नेशियम हॉल (अहिल्या भवन )- (एक केंद्र)

प्रभाग क्रमांक तीन - शाहू मंगल कार्यालय ( एक केंद्र ) नूतन मराठी शाळा नंबर चार ( दोन केंद्रे ) 

प्रभाग  क्रमांक चार - भागीरथीबाई तनपुरे प्राथमिक शाळा  ( तीन केंद्रे )

प्रभाग क्रमांक पाच - भागीरथीबाई प्राथमिक शाळा ( एक केंद्र ), विद्यामंदिर प्रशाला ( दोन केंद्रे ) , 

प्रभाग क्रमांक सहा - प्रगती विद्यालय ( तीन केंद्रे )

प्रभाग क्रमांक सात - नूतन मराठी शाळा नंबर 1 ( 3 केंद्रे )

प्रभाग क्रमांक आठ - गाडगे आश्रम शाळा ( दोन केंद्रे)

प्रभाग क्रमांक नऊ - गाडगे आश्रम शाळा ( एक केंद्र ) , नूतन मराठी शाळा नंबर 2 व नंबर 11 ( 3 केंद्रे )

प्रभाग क्रमांक दहा - नूतन मराठी शाळा नंबर सहा व दहा ( दोन केंद्रे ) , गाडगे आश्रम शाळा ( एक केंद्र )

 प्रभाग क्रमांक 11 - नूतन मराठी शाळा नंबर 9 ( दोन केंद्रे ) , केशर रंग मंगल कार्यालय ( दोन केंद्रे ) 

तर प्रभाग क्रमांक बारा करिता शहरातील विद्यामंदिर प्रशाला - ( चार केंद्रे ) असतील .

 प्रत्येक मतदान केंद्रावर मतदान केंद्र अधिकारी , सहाय्यक अधिकारी , कर्मचारी , मदतनीस बंदोबस्तासाठी पोलीस असा सहा जणांचा स्टाफ नेमण्यात येत असून एकंदरीत या निवडणूक मतदान प्रक्रियेसाठी 250 ते 300 अधिकारी कर्मचारी मदतनीस असा स्टाफ असणार आहे .

राहुरी नगरपालिका निवडणुकीसाठी निवडणूक निर्णय अधिकारी तथा उपजिल्हाधिकारी अनुप सिंह यादव यांच्या मार्गदर्शनाखाली राहुरी नगरपालिकेच्या निवडणूक यंत्रणा अलर्ट मोडवर सध्या काम करत असल्याचे चित्र दिसून येत आहे .