साई आदर्श मल्टीस्टेटला सहकार पुरस्कार प्राप्त; संस्थापक अध्यक्ष कपाळे यांनी स्वीकारला पुरस्कार !!
राहुरी ( प्रतिनिधी )
येथील साई आदर्श मल्टीस्टेट पतसंस्थेला राज्य पातळीवरील जागतिक सहकार वर्षांच्या औचित्याने ग्रीन वर्ल्ड पब्लिकेशन व कॉसमॉस बँक पुणे यांच्या संयुक्त वतीने दिला जाणारा सहकार पुरस्कार प्राप्त झाला असून संस्थेचे संस्थापक 
अध्यक्ष शिवाजीराव कपाळे यांनी हा पुरस्कार नुकताच स्वीकारला आहे .
महाराष्ट्रातील संस्थांना त्यांच्या कार्यास प्रोत्साहन मिळावे या हेतूने हा पुरस्कार दिला गेला यावर्षीच्या पुरस्कारासाठी साई आदर्श मल्टीस्टेट या संस्थेने सादर केलेल्या माहितीच्या आधारे हा पुरस्कार संस्थेला मिळालेला आहे समितीने केलेल्या मूल्यांकनुसार मल्टीस्टेट पतसंस्था विभागामध्ये या पुरस्कारासाठी 200 कोटी ठेवी या गटात प्रथम क्रमांक यासाठी या संस्थेची निवड करण्यात आली महाराष्ट्राचे सहकार आयुक्त दीपक तावरे यांच्या हस्ते सदर पुरस्कार संस्थेचे संस्थापक अध्यक्ष शिवाजीराव कपाळे व संचालक मंडळ यांनी स्वीकारला आहे.
या प्रसंगी व्यासपीठावर सहकार मंत्री बाबासाहेब पाटील,कॉसमॉस बँकेचे चेअरमन मिलिंद काळे, ग्रीन वर्ल्ड चे गौतम कोतवाल आदी उपस्थित होते.
कपाळे यांनी सांगितले की, हा पुरस्कार म्हणजे आम्ही केलेल्या चांगल्या कामाची पावती आहे. संस्थेच्या प्रगती बरोबरच सभासद,ठेवीदार, कर्जदार यांचे हीत जोपासण्याचे काम आम्ही गेली बारा वर्षापासून करत आहोत .त्यासाठी आम्ही अहोरात्र झटून संस्था प्रगतीपथावर नेली आहे. त्यामुळे ठेवीदार ,कर्जदार सभासदांचा विश्वास जपण्यामध्ये आम्ही यशस्वी ठरलेलो आहोत. याचा आम्हाला सार्थ अभिमान आहे यासाठी संचालक मंडळ ,कर्मचारी वृंद, कलेक्शन एजंट ,सभासद, ठेवीदार, खातेदार यांचे मोठे सहकार्य लाभलेले आहे त्यांनी संस्थेवर मोठा विश्वास नेहमी टाकलेला आहे त्यास आम्ही कधीही तडा जाऊ देणार नाही येत्या कालावधीमध्ये 200 कोटींचा पल्ला आम्ही नक्कीच पार करू असा विश्वास त्यांनी व्यक्त केला हा सन्मान स्वीकारताना संस्थेचे संचालक किशोर थोरात ,डॉ. विलास पाटील अक्षय कपाळे व धीरज कपाळे आदी मान्यवर उपस्थित होते.
Post a Comment
0 Comments