ऑपरेशन मुस्कान अंतर्गत दहा वर्षात 36 अपहरित मुलामुलींचा शोध लावत पोलिसांनी केले 36 आरोपी जेरबंद

राहुरी - ( विशेष वृत्त )

ऑपरेशन मुस्कान अंतर्गत राहुरी पोलिसांनी 2016 पासून आज पर्यंत 36 अपहरित मुली व मुलांचा शोध लावत अपहरण झालेल्या अल्पवयीन मुली त्यांच्या पालकांच्या ताब्यात देऊन अपहरण करणाऱ्या 36 आरोपींना अटक करून कायदेशीर कारवाई केली आहे .

पोलिसांच्या या ऑपरेशन मुस्कान चे सर्वत्र कौतुक होत आहे .

दरम्यान , राहुरी पोलीस ठाण्यांतर्गत अपहरण झालेल्या अल्पवीयन मुलीचा शोध व सुटका करण्यात आली आहे . राहुरी पोलीस स्टेशन येथे गु.र.नंबर I 1190/2024 BNS 137(2), प्रमाणे दि.12/11/2024रोजी गुन्हा दाखल करण्यात आलेला होता.

सदर गुन्हयामध्ये अपहरीत मुलीबाबत काहीएक माहिती उपलब्ध नसतांना गुप्त बातमीदाराच्या मदतीने तसेच अथक परीश्रम घेवुन गुन्हयातील अपहरीत मुलीचा माग काढुन तिचा शोध घेतला असता ती आज रोजी मिळून आल्याने तीस राहुरी पोलीस स्टेशन येथे आणले आहे.

अपहरीत मुलीच्या नातेवाईकांना त्याबाबत माहिती दिली असुन अपहरीत मुलीकडे अधिक तपास पोलीस उपनिरीक्षक धर्मराज पाटील हे करत आहेत.सदर मुलगी मिळून आल्याने त्यांचे नातेवाईक आईचे ताब्यात दिले आहे .

असे झाले यशस्वी ऑपरेशन मुस्कान -

ऑपरेशन मुस्कान अंतर्गत राहुरी पोलीस स्टेशन हद्दीतील सन 2016 मध्ये अपहरन झालेली एक मुलगी, सन 2021 मध्ये अपहरण झालेल्या 2 मुली, सन 2022 मध्ये अपहरण झालेली एक मुलगी, सन 2023 मध्ये अपहरण झालेल्या 5 अल्पवयीन मुली तसेच सन 2024 मध्ये अपहरण झालेले एकूण 22 मुली, व 5 मुले असे एकूण 36 अपहरित बालकांचा(30 मुली व 5 मुले ) जानेवारी 2024 पासून शोध घेवून त्यांना त्यांचे पालकांचे ताब्यात देवून अपहरण करणाऱ्या 36 आरोपींना अटक करून त्यांचेवर कायदेशीर कारवाई करण्यात आलेली आहे .

सदरची कारवाई मा.श्री.राकेश ओला सो. पोलीस अधीक्षक अहमदनगर, मा.श्री.वैभव कलुबर्मे सो. अपर पोलीस अधीक्षक अहमदनगर , श्री. डॉ.बसवराज शिवपुजे सो. उपविभागीय पोलीस अधिकारी श्रीरामपुर उपविभाग जिल्हा अहिल्यानगर यांच्या सुचना व मार्गदर्शनाखाली पो.नि.संजय आर.ठेंगे, पोसई धर्मराज पाटील, पोहे का अशोक शिंदे लेखनिक पोका गणेश लिपणे मपोका वृषाली कुसळकर नेमणुक राहुरी पोलीस स्टेशन जि.अहमदनगर व पो.ना.सचिन धनड, पो.ना.संतोष दरेकर, पो.ना.रामेश्वर वेताळ नेमणुक अपर पोलीस अधीक्षक सो श्रीरामपुर जि.अहमदनगर मोबाईल सेल यांनी केलेलाआहे.