चोरीच्या गाड्या शोधण्यासाठी राहुरी पोलिसांकडून नवीन वर्षात ही मोहीम सुरू 30 विना नंबर प्लेट गाड्यांवर दंडात्मक कारवाई ,पैकी 3 गाड्यांवर जप्तीची कारवाई
मागील वर्षभरात राहुरी पोलीस स्टेशन हद्दीमध्ये एकूण 654 वाहनांवर विना नंबर प्लेट कारवाई केलेली असून 3,73,300/- दंड आकारण्यात आलेला आहे.
राहुरी ( प्रतिनिधी )
पोलीस स्टेशन हद्दीत सन 2023 च्या तुलनेत सन 2024 मध्ये चोरीस गेलेल्या वाहनांची संख्या 45 ने घटली तसेच चोरीस गेलेल्या 56 मोटार सायकल राहुरी पोलिसांनी जप्त केल्या आहेत.सन 2024 मध्ये राहुरी पोलिसांनी ट्राफिक उल्लंघणाच्या एकूण 1706 केसेस करून 10,90,300/- रुपये दंड वसुल केला आहे.
राहुरी पोलीस स्टेशन हद्दीमध्ये बऱ्याचशा दुचाकी गाड्या ह्या चोरांकडून अल्प दरात विकत घेऊन विना नंबर प्लेट वापरल्या जातात अशी माहिती असल्याने राहुरी पोलीस स्टेशन ने आज दिनांक 1.1. 2025 रोजी विना नंबर प्लेट गाड्यांची तपासणी मोहीम हाती घेतली होती.
सदर मोहिमेदरम्यान 30 दुचाकी वाहने विना नंबर प्लेटची आढळून आली. त्यांच्यावर वर 15000 रुपये दंडात्मक कारवाई करण्यात आली असून त्या पैकी 27 गाडी मालकाच्या ताब्यात परत नंबर प्लेट बसवून देण्यात आल्या.
उर्वरित 3 गाड्यांची कागदपत्रे अद्याप पर्यंत सादर न केल्याने सदर गाड्यांच्या मालकी हक्काबाबत खात्री करून पुढील कारवाई करत आहोत.
राहुरी तालुक्यातील सर्व नागरिकांना आव्हान करण्यात येते की आपल्या दुचाकी चार चाकी वाहनांवर पुढील व मागील दोन्ही नंबर प्लेट बसून घ्याव्यात जेणेकरून विनाकारण दंड भरण्याची वेळ येणार नाही.. तसेच सर्व नागरिकांनी नंबर प्लेट बसवलेले असल्यास चोरीचे वाहन शोधणं सोप होईल.
सदर चोरीचे वाहन शोध मोहीम ही माननीय पोलीस अधीक्षक श्री राकेश ओला साहेब अप्पर पोलीस अधीक्षक श्री वैभव कलुबरमे साहेब उपविभागीय पोलीस अधिकारी श्री बसवराज शिवपुजे साहेब यांच्या मार्गदर्शनात पोलीस निरीक्षक संजय ठेंगे राहुरी पोलीस स्टेशन यांच्या नेतृत्वात पोलीस उपनिरीक्षक धर्मराज पाटील ,स फै फुलारी, पोलीस हेड कॉन्स्टेबल गीते, फुल माळी , जालिंदर धायगुडे होमगार्ड कर्मचारी यांच्या पथकाने केलेली आहे.
नवीन वाहनांवर नंबर प्लेट नसल्याने कारवाई करण्यात आली आहे तसेच सदरील वाहने नंबर प्लेट न लावता शोरूमच्या बाहेर रोडवर आल्याने शोरूम वाल्यांना आरटीओ द्वारे पत्र पाठवून कारवाई करण्यात येईल
Post a Comment
0 Comments