अहिल्यानगरचे नूतन जिल्हाधिकारी डॉ. पंकज आशिया यांनी स्विकारला कार्यभार

 अहिल्यानगरचे नूतन जिल्हाधिकारी डॉ पंकज आशिया यांनी स्विकारला कार्यभार

 अहिल्यानगर -  ( विशेष वृत्त )

अहिल्या नगरच्या जिल्हाधिकारी पद डॉक्टर पंकज आशिया यांनी अहिल्यानगर जिल्हाधिकारी कार्यालयात कार्यभार स्वीकारला .

        डॉ.आशिया हे २०१६ च्या तुकडीचे भारतीय प्रशासकीय सेवेतील (आयएएस) अधिकारी आहेत. येथे रुजू होण्यापूर्वी ते यवतमाळ येथे जिल्हाधिकारी म्हणून कार्यरत होते. त्यापूर्वी डॉ. आशिया जळगाव येथे मुख्य कार्यकारी अधिकारी, भिवंडी महानगरपालिकेचे आयुक्त, नाशिक जिल्ह्यातील कळवण येथे उपविभागीय अधिकारी म्हणून कार्यरत होते.

डॉ.आशिया यांच्या भारतीय प्रशासकीय सेवेची सुरुवात यवतमाळ जिल्ह्यातून झाली आहे. या सेवेत आल्यानंतर एक वर्ष परिविक्षाधीन कालावधीत आर्णी येथे नगरपरिषदेचे मुख्याधिकारी, तहसीलदार व बाभुळगाव येथे गटविकास अधिकारी म्हणून त्यांनी काम केले आहे.