केंद्राच्या वित्तआयोगाच्या महत्त्वाच्या बैठकीत माजीमंत्री प्राजक्त तनपुरेंची उपस्थिती

राहुरी ( प्रतिनिधी )

सोळाव्या वित्त आयोगाच्या महत्त्वाच्या बैठकीत आज शरद पवार गटाच्या राष्ट्रवादी काँग्रेस पक्षाचे राहुरीचे माजी आमदार प्राजक्त तनपुरे यांचा सहभाग नोंदविण्यात आला .

या बैठकीत वित्त व अर्थ विषयावर विषयासंदर्भात अनेक विषयांवर चर्चा झाली . मुंबईतील सह्याद्री या शासनाच्या विशेष सभागृहात ही बैठक पार पडली . त्यात सर्वपक्षीय नेत्यांचा सहभाग होता .

भारताच्या राष्ट्रपती महोदयांद्वारे गठित केलेल्या सोळाव्या वित्त आयोगाचे चेअरमन व सदस्य यांनी आज महाराष्ट्रातील प्रमुख राजकीय पक्षांच्या प्रतिनिधींसोबत संवाद साधला . पुढील आर्थिक वर्षात या आयोगाने सुचवलेल्या शिफारसी लागू होणार आहेत . केंद्राने त्यांच्या करातील उत्पन्नापैकी किती वाटा राज्यांना द्यावा व राज्यांमध्ये वाटताना कोणती तत्वे अंगीकारावी याबाबत विस्तृत चर्चा झाली .

राष्ट्रवादी काँग्रेस शरदचंद्र पवार पक्षातर्फे माजी मंत्री श्री. राजेश टोपे व माजी मंत्री राहुरीचे माजी आमदार प्राजक्त तनपुरे उपस्थित होते . यावेळी माजी आमदार प्राजक्त तनपुरे यांनी महाराष्ट्राच्या वाट्याला जास्त निधी कसा उपलब्ध होऊ शकेल याविषयी पक्षाच्या वतीने मुद्दे मांडले .