नगर शिर्डी अवजड वाहनांची वाहतूक अशी वळवली जाणार : राहुरीकरांच्या तीव्र आंदोलनाला यश

नगर शिर्डी अवजड वाहनांची वाहतूक अशी वळवली जाणार : राहुरीकरांच्या तीव्र आंदोलनाला यश

 अहिल्यानगर ( प्रतिनिधी )

अहिल्यानगर मनमाड महामार्गाच्या दुरुस्तीचे कामकाज दिनांक १२/०९/२०२५ रोजी सुरु होत असल्याने सदर महामार्गावर अवजड वाहतुक मोठ्या प्रमाणात असल्याने वाहतुक कोंडीमुळे

 

नागरीकांची गैरसोय होवुन कायदा व सुव्यवस्थेचा प्रश्न निर्माण होण्याची शक्यता नाकारता येत नाही. तसेच अहिल्यानगर - मनमाड महामार्गाच्या दुरुस्तीचे कामकाज करणे असल्याने सदर महामर्गावरील सर्व प्रकारची अवजड वाहतुक पर्यायी मार्गाने वाळविणे आवश्यक आहे. 

 दि. १२/०९/२०२५ रोजी दुपारी १४.०० वा.पासुन ते दि.२१/०९/२०२५ रोजी दुपारी १४.०० वा. पावेतो अहिल्यानगर मनमाड महामार्गावरुन जाणारी व येणारी सर्व प्रकारची आवजड वाहतुक खाली नमुद पर्यायी मार्गाने वळवणे बाबत आदेश जारी करीत आहे.

१) अहिल्यानगर कडुन, मनमाड, मालेगाव, धुळे कडे जाणारे जड वाहतुकीसाठी मार्ग - विळद सर्कल दुधडेअरी चौक-शेंडी बायपास नेवासा फाटा कायगाव टोके गंगापुर- वैजापुर मार्गे इच्छित स्थळी जातील.

२) अहिल्यानगर कडुन संगमनेर, नाशिक कडे जाणारे अवजड वाहतुकीसाठी मार्ग - कल्याण बायपास आळेफाटा-संगमनेर मार्गे मार्गे इच्छित स्थळी जातील.

३) कोपरगांव कडून अहिल्यानगर कडे येणारे सर्व अवजड वाहतुकीसाठी मार्ग - कोपरगांव पुणतांबा फाटा वैजापुर मार्गे इच्छित स्थळी जातील.

 व (कमी उंचीच्या वाहनांकरीता ) कोपरगांव पुणतांबा श्रीरामपुर नेवासाफाटा- मार्गे इच्छित स्थळी जातील.

४) सिन्नर लोणी मार्गे अहिल्यानगर कडे येणेकरीता पर्यायी मार्ग संगमनेर आळेफाटा मार्गे इच्छित स्थळी जातील.

हा आदेश शासकीय वाहने, अॅम्ब्युलन्स, फायर ब्रिगेड व अत्यावश्यक कारणास्तव स्थानिक प्रशासनाने परवानगी दिलेल्या वाहनांना लागु राहणार नाही.