या रविवारी रात्री खगोल प्रेमींना आहे सुवर्णसंधी

राहुरी ( प्रतिनिधी )

तमाम भाविक आणि विशेषतः खगोल प्रेमींसाठी खास पर्वणी !! मित्रांनो , येत्या रविवारी सर्वांना रात्री आकाशात खगोल चंद्रग्रहण पाहण्याची संधी आहे .

७ सप्टेंबर २०२५ रोजी रात्री चंद्रग्रहण आहे . उगवत्या वेळेनुसार आकाशात जिथे जिथे चंद्र दिसतो तिथे भारतीय वेळेनुसार ७ सप्टेंबर रोजी रात्री ९.५७ ते १.२७ मिनिटांपर्यंत पूर्ण चंद्रग्रहण पाहता येईल.

भारतात ७ सप्टेंबर रोजी रात्री ९.५७ वाजता चंद्रग्रहण सुरू होईल आणि रात्री ११.४१ वाजता ग्रहणाच्या मध्यभागी असलेली संपूर्ण प्रतिमा पृथ्वीच्या सावलीने झाकली जाईल (पूर्ण ग्रहण) . हे ग्रहण पहाटे १:२७ वाजता संपेल. हे ग्रहण ९.५७ ते १.२७ पर्यंत साडेतीन तास चालेल .